معلومات عن اللعبة

مرحبا !

 اهلاً و سهلاً بكم في موقعي الخاص لتحميل اضافات السيمز 4 !

هنا ستجدون كل ما تبحثون عنه و تحتاجون لمعرفته عن اللعبة .

اولاً احب اعرفكم على نفسي انا اسمي لينا عمري 21 و من عشاق لعبة السيمز ، حاليا عايشة في تركيا و ادرس تصميم أزياء ، وحبي للتصميم زاد حبي للسيمز مع اضافة المودات .

ولهذا السبب حبيت  اشاركم الاضافات الرائعة !

ما هي لعبة السيمز ؟

لعبة السيمز هي عالم افتضراضي انتم لكم كامل التحكم فيه.

تصنعوا شخصيه او عائلة خاصة فيكم ، تبنوا لها بيت ,  تتحكموا بتصرفاتهم و تزوجوهم و بعدين ممكن يجيبوا اطفال و اطفالهم يروحوا للمدارس و الجامعات و اشياء كتير غير .

 

ما هي الاجهزة اللي نقدر نحمل عليها السيمز ؟

 

السيمز متوفره على جميع الاجهزة بس طبعاً تختلف حسب الجهاز ؛

اولاً عندنا نسخة الكومبيوتر : و هي الافضل طبعاً من ناحيه الشكل و الجودة و هي الوحيدة اللي فيكم تحملوا عليها المودات و الاضافات .

ثانياً نسخة البلاي ستايشن : جودتها ممتازة ، و فيها خيارات بس ما تقدروا تحملوا عليها الاضافات و المودات.

ثالثاً نسخة الجوال طبعاً التحكم فيها محدود وجودتها ضعيفه و ما تقدروا تحملوا عليها اضافات بس مقبوله.

 

كيف نقدر نحمل لعبة السيمز ؟

  • اولا نسخة الكومبيوتر

فيه عندكم طريقتين لتحميل اللعبة :

طريقة مدفوعة و طريقة مجانيه، ، خلونا نتعرف عليهم اكتر و عن طريقة تحميلهم .

اولاً خلونا نبدأ بالنسخه الاصليه و اللي انا شخصياً امتلكها و انصح فيها .

لشراء لعبة السيمز الاصلية ما عليكم الا انكم تروحوا على موقع اوريجين و تشتروها منه طبعاً لازم يكون عندكم فيزا كرت عشان الدفع او تختاروا اللعبه او اضافة و تتبدأ التحميل فوراً بعد الشراء .

للذهاب لموقع اوريجين اضغط هنا

لمشاهدة فيديو شرح عن موقع اوريجين و طريقة التحميل منه اضغط هنا

و بالموقع رح تلقوا كتير صور مكتوب عليها السيمز 4 طبعاً واحدة منهم فقط هي النسخة الاساسية و اللي حاطة صورتها الباقي مجرد اضافات تختاروا منها اللي تعجبكم و تضيفوها على النسخه الاساسيه .

لمعرفة ما هي جميع الاضافات و ميزاتهم اضغط هنا

او تكون متواجدة بعض الاحيان في متجر

 origin megastore ابحثوا عنه في دولتكم و اسألوا عنها .

  • ثانياً نسخة الجوال :

تكتبوا في برنامج الالعاب الخاص بجهازكم

sims free play  و تحملوها .

  • ثالثا نسخة البلاي ستايشن :

تقدروا تشروها من اي محل يبيع اقراص العاب او تطلبوها من امازون .

 

الفرق بين الاصلية و المجانية :

طبعاً انا دايماً بنصح بشراء اللعبة الاصلية و الابتعاد عن المجانية بس ليش ؟

اولاً طبعاً النسخه المجانية صعب تحميلها و ممكن بعد انتظار طويل ما تشتغل على بعض الاجهزة ، بالاضافة انكم ما رح تقدروا تحدثوها على اخر تحديث و هذا الشي رح يسبب لكم مشكلة بس تحملوا بعض البيوت من المواقع المودات ما رح تقدروا تحطوها بالعالم الخاص فيكم عشان النسخه المجانيه ما تكون على آخر تحديث اما الاصلية كل تحديث ينزل جديد تقدروا تحدثوها فوراً من موقع اوريجين . كمان طبعاً في ناس كتير عندهم المجانية و يحملوا مودات من النت نفس شعر و ملابس و غيرها و يسووا كل شي صح لكن ما تطلع عندهم داخل اللعبه هالمشكله كمان من النسخه المجانية لانها ما تقرأ جميع المودات . و آخر شي مشكلة توصيل اللعبة بالنت بالنسخه المجانيه بس تحاولوا توصلوها بالنت رح يعطيكم شاشه انتظار طويلة و ما رح يشتغل هذا عشان لعبتكم غير موصولة بموقع اوريجين عن طريق الايميل و عشان توصلوا اللعبة بالاوريجين لازم تكون اصلية .

و من ميزات النسخه الاصلية اذا صار فيها اي مشاكل تصلحوها فوراً من موقع اوريجين لأنها تكون موصوله فيه اما المجانية لازم تمسحوها و يضيع كل تعبكم و شغلكم داخل اللعبة .

يعني باختصار لتجنب اي مشاكل ابتعدوا عن المجانية اللي تكون مكركة .

 

ما هي المودات و هل تخرب اللعبة ؟

المودات هي اضافات مجانية تتحمل من النت و تضيفوها على اللعبة لإعطائها مظهر واقعي اكتر و المودات تنقسم الى قسمين :

اول قسم تكون اضافات اشياء نفس شعر ، ملابس ، ميك اب ، بيوت و اشياء كتير و كل الاشياء رح تلقوها هنا في موقعي و تحملوها مجانا .

ثاني قسم تكون مودات تغير اشياء باللعبة مثلاً مود الثلج يخلي اللعبة فيها ثلج و مود المدارس يخليكم تروحوا مع السيم عالمدرسة و مودات كتير غيرهم كمان بتلقوهم هنا في حسابي للتحميل المجاني .

هل المودات تخرب اللعبة ؟

ممكن بعض المرات يكون المود خربان و يسسب مشاكل في لعبتكم .

الحل انكم تنظموا المودات بملفات عشان تسيطروا عليها او تحملوا برنامج لكشف المودات الخربانه و انا شارحه عن طريقة استخدامه و تحميله في صفحتي في اليوتيوب . لمشاهدة الفيديو اضغط هنا